Námskeiðið byggir á starfsmiðaðri hugrænni endurhæfingu (e. employment focused cognitive rehabilitation)

Markmið námskeiðsins er að styrkja hugræna ferla, auka vitund um áhrif ytri þátta á hugarstarf og læra hjálplegar aðferðir til að takast á við hugrænt álag og áreiti í vinnu og námi.

Innihald námskeiðs

Námskeiðið felur í sér 7 fyrirlestra, verkefnabók og aðgang að tölvuforriti. Þátttakandi lærir leiðir til að:

• Auka einbeitingarúthald
• Takast á við félagslegar kröfur og áreiti
• Þekkja sín hugrænu mörk og taka heilahvíld
• Draga úr innri og ytri truflunum
• Finna jafnvægi í hugrænu áreiti
• Undirbúa sig fyrir auknar kröfur á heilann með endurkomu í vinnu og fyrirbyggja bakslög
• Læra á áhrif skynáreitis og leiðir til að aðlaga umhverfi að þörfum

Þátttakandi horfir á fyrirlestra á eigin hraða. Efni fyrirlestra:

1.     Kynning á námskeiði
2.     Athygli, minni og einbeitingarúthald
3.     Endurkoma og bakslög
4.     Félagslegt áreiti
5.     Heilaþrek og heilahvíld
6.     Truflanir
7.     Streita og skynúrvinnslu

 Námskeiðið hentar öllum þeim sem:

• Stefna aftur í nám eða vinnu á næstu vikum/mánuðum
• Eru í hlutastarfi/námi
• Eru byrjaðir að taka sín fyrstu skref aftur út á vinnumarkað eftir hlé
• Vilja auka hugrænt úthald í starfi og námi
• Finna fyrir heilaþoku, vanda með athygli, minni eða einbeitingarúthald óháð orsökum

Fyrirlesari er Dr. Ólína G. Viðarsdóttir, eigandi Heilaheilsu og sérfræðingur í klínískri sálfræði.