Ingólfur sinnir greiningu og meðferð fullorðinna einstaklinga með tilfinningalegan óstöðugleika, kvíða, áfallastreitu, þunglyndi og lágt sjálfsmat.
Bóka viðtal
Menntun
Ingólfur útskrifaðist með meistaragráðu í klínískri sálfræði frá Háskólanum í Reykjavík vorið 2021 og hlaut starfsréttindi frá Landlækni sama ár. Starfsþjálfun hans fór fram hjá skólaþjónustu Reykjavíkurborgar þar sem hann vann með börnum og unglingum. Einnig lauk hann starfsnámi hjá Laugarásnum á Landspítalanum þar sem hann vann með ungu fólki með byrjandi geðrofssjúkdóma.
Einnig hefur Ingólfur lokið eftirfarandi þjálfun:
- Þjálfun í DAM meðferð/ Dialectical Behaviour Therapy Foundational training á vegum Behavioural Tech.
- Þjálfun í hugrænni úrvinnslu meðferð við áfallastreituröskun (HÚM/CPT) á vegum sálfræðiþjónustu Landspítalans.
Starfsreynsla
Ingólfur hefur starfað sem sálfræðingur á geðsviði Landspítalans frá 2021. Eitt ár starfaði hann við að veita fólki með geðhvarfa- og geðrofssjúkdóma sálfræðimeðferð, en lengst af hefur Ingólfur starfað í DAM-teyminu á Landspítalanum þar sem veitt er Díalektísk atferlismeðferð (DAM) fyrir einstaklinga með alvarlegan tilfinningavanda. Meðferðin byggir á fjórum grunnþáttum: aukinni vitund um hugsanir og tilfinningar (núvitund), tilfinningastjórn, samskiptafærni og streituþol.
Samhliða starfi sínu hjá Heilaheilsu starfar Ingólfur sem sálfræðingur í DAM-teymi Landspítalans. Þar sinnir hann bæði einstaklings- og hópmeðferð.
Rannsóknir og greinar
Psychometric properties of the Icelandic version of the work and social adjustment scale, MSc lokaverkefni: Háskólinn í Reykjavík.