Bergrún sinnir greiningu og meðferð fullorðinna og beitir aðferðum hugrænnar atferlismeðferðar við ýmsum sálrænum vanda t.a.m. áfallastreituröskun, kvíðaröskunum og þunglyndi. Eins vinnur Bergrún með vanlíðan á meðgöngu og eftir barnsburð svo sem meðgöngutengdan kvíða, fæðingarótta og erfiða fæðingarreynslu.
Bóka viðtal
Menntun
Bergrún lauk B.Sc.-námi í sálfræði árið 2019 og M.S.-námi í klínískri sálfræði frá Háskóla Íslands árið 2021. Lokaverkefni hennar í meistaranámi fjallaði um hlutverk félagslegrar ógnar og lífshættu í þróun áfallastreituröskunar og félagskvíðaröskunar.
Starfsreynsla
Bergrún hefur starfað sem sálfræðingur á Landspítala frá árinu 2022. Hún starfar í þunglyndis- og kvíðateymi LSH þar sem hún sinnir m.a. mati og greiningu á sálrænum vanda fullorðinna og veitir einstaklingsmiðaða sálfræðimeðferð við þunglyndi, kvíðaröskunum og áfallastreituröskun. Hún starfar einnig sem sálfræðingur í Barneignarþjónustu Landspítala þar sem hún sinnir mati og skammtímameðferð við sálrænum vanda tengdum barneignarferlinu.
Bergrún hefur hlotið þjálfun í hugrænni atferlismeðferð (HAM), meðal annars við áfallastreitu og áráttu- og þráhyggjuröskun í tengslum við barneignarferlið, auk þjálfunar í hugrænni úrvinnslumeðferð (HÚM) við áfallastreitu.
Rannsóknir og greinar
Bergrún hefur tekið þátt í rannsóknum á sviði áfallastreitu, kvíða og þunglyndis. Hún var meðal annars hluti af rannsóknarhópi Lóu vísindarannsóknarinnar á vegum Háskóla Íslands og Uppsala háskóla, þar sem hún kom að rannsókn á inngripi gegn áleitnum endurminningum.
Birt grein:
Hardarson, J. P., Guðmundsdóttir, B., Jónsson, G. S., Jóhannesdóttir, B. M., Thórarinsdóttir, K., Tómasson, G., Holmes, E. A., Hauksdóttir, A., Valdimarsdóttir, U., Asmundson, G., & Björnsson, A. S. (2025). Association of social and life threats with symptoms of posttraumatic stress disorder and social anxiety disorder. Journal of Anxiety Disorders, 110, 102981. https://doi.org/10.1016/j.janxdis.2025.102981
Hún hefur einnig komið að gerð fræðsluefnis fyrir Landspítala um áleitnar hugsanir um að skaða ungbarnið sitt.