63.000 kr.
Lýsing
Námskeiðið felur í sér netfræðslu, umræður, verkefnavinnu og heilaþjálfun með tölvuforritum. Þátttakendur mæta í 6 hóptíma sem hver er 90 mínútur þar sem þeir læra hjálplegar aðferðir og taka þátt í umræðum um efni fyrirlestra. Þar að auki fá þátttakendur verkefnabók og frían aðgang að tölvuforriti sem þjálfar heilann á meðan á námskeiði stendur. Námskeiðið byggir á starfsmiðaðri hugrænni endurhæfingu (e. employment focused cognitive rehabilitation) þar sem markmið námskeiðsins er að styrkja hugræna ferla, auka vitund um áhrif ytri þátta á hugarstarf og læra hjálplegar aðferðir til að takast á við hugrænt álag og áreiti í vinnu og námi.
Kennt er 1x í viku í 6 vikur klukkan 10:00 – 11:30. Kennari er Dr. Ólína G. Viðarsdóttir, eigandi Heilaheilsu og sérfræðingur í klínískri sálfræði.
Næstu námskeið byrja:
8. október 2025
8. apríl 2026
Þátttakandi lærir aðferðir til að:
- Auka einbeitingarúthald
- Takast á við félagslegar kröfur og áreiti
- Þekkja sín hugrænu mörk og taka heilahvíld
- Draga úr innri og ytri truflunum
- Finna jafnvægi í hugrænu áreiti
- Undirbúa sig fyrir auknar kröfur á heilann með endurkomu í vinnu og fyrirbyggja bakslög
- Læra á áhrif skynáreitis og leiðir til að aðlaga umhverfi að þörfum
Efni fyrirlestra:
- Kynning á námskeiði
- Athygli, minni og einbeitingarúthald
- Endurkoma og bakslög
- Félagslegt áreiti
- Heilaþrek og heilahvíld
- Truflanir
- Streita og skynúrvinnsla
Námskeiðið hentar öllum þeim sem:
- Stefna aftur í nám eða vinnu á næstu vikum/mánuðum
- Eru í hlutastarfi/námi
- Eru byrjaðir að taka sín fyrstu skref aftur út á vinnumarkað eftir hlé
- Vilja auka hugrænt úthald í starfi og námi
- Finna fyrir heilaþoku, vanda með athygli, minni eða einbeitingarúthald óháð orsökum
Skráning fer fram með því að bóka á vefsíðunni eða með því að senda tölvupóst á heilaheilsa@heilaheilsa.is